Tutal nakapagpost na ako ng tungkol sa mga shits, edi pagusapan na natin ng literal ang tungkol sa pagtae, pagihi at kung anumang puwedeng gawin sa banyo, at yung banyo mismo para masarap at di ka magutom.
Kung bakit ko naisip ang tungkol sa banyo, ewan ko kung paano, basta ang ginawa ko lang ay jumingle sa isang public restroom, sa isang public school, sa isang pampublikong lugar.
Sa sinasabi kong restroom (tandaan restroom ang ginamit ko at hindi comfort room), sigurado ako hindi ka papasok dun ng hindi ka talaga, natatae, naiihi, o nadapuan ng libog may kasama man o wala. Sa restroom na sinasabi ko papasok ka palang sigurado ako kailangan mo na ng mabigat na sipon, o kaya sangkatutak na bulak sa ilong para magkaroon ka ng tapang na pumasok. At pagpasok mo sigurado ako magagampanan na niya ang tunay niyang motibo, bilang isang restroom, dahil pag nagkaroon ka man ng tapang na pumasok sa loob sigurado ako doon ka na mamahinga dahil sa sobrang baho, dumi. At hindi lang yun, tipong ang dating pa ng restroom na yun ay pang shake rattle and roll kahit umaga kasi madilim at yung iban inidoro ay sira, ay yung pader naihian ng lalaki corroded na ng ihi, at isa pa walang gripo at lababong matino, either may basag yung lababo o putol yung gripo.
Natatandaan ko pa nung mga oras na iyon, may mga plano na ako kung saan ako mag siC.R. dahil lima yata banyo dun sa groundfloor nung eskuwelahan, pero sa nasabing mga banyo yung pinasok ko na ata, ang banyo na white lady lang ang lalabas, kasi sa iba mukhang mga kampon na ni satanas ang makikita mo.
Ang nasabing eksena ng mga C.R. ay hindi lang limited sa nasabing eskuwelahan, dahil kahit saan ka magpuntang public C.R. sigurado ako restroom ang makikita mo dahil talagang ganoon ang itsura nila, nakakaurong ng tae, nakakawala ng tapang, at nakakadurog ng dignidad. Kahit pa yung may mga bayad na restroom para daw mamentain, hindi pa rin kayang tapalan ng mukha nung "tagalinis" yung itsura at condition ng nasabing restroom. Dahil baboy pa rin ang gumagamit pati yung C.R. nabababoy at nagiging restroom.
Kung bakit ko napupuna tong mga bagay na to dahil simple lang, para kasi sa akin ang banyo ang pinakasagradong lugar sa loob ng bahay sunod sa altar o anu mang lagayan ng iyong poon. Ako ang tao, na pag nagpupunta sa isang lugar, sinisugarado ko muna kung saan ko makikita ang may pinakamaayos na C.R. Kahit sa mga outings ang una kong chinecheck ay yung C.R. at hindi yung pool o beach o session halls. Pag nagpupunta rin ako sa bahay ng kaklase ko o mga kakilala ko tuwang tuwa ako pag yung C.R. nila pang hollywood at syempre kahit hindi pang hollywood basta may tubig, may timba, tabo, bidet(mas maganda), at malinis na kapaligiran. Sa tingin ko naman lahat tayo gusto ay ganoon na tipong pag nagbabawas ka ng bagay mula sa iyong katawan, ay yung tipo talagang para kang nasa heaven at hindi yung tipong nagmamadali ka dahil baka makita mo si satanas.
Ang pinagtataka ko lang bakit, karamihan pa rin ng tao pag nakakita ng magandang C.R. binavandalize, pag may tubig inuubos na darating sa point na pati yung gripo nauubos. Yung tissue at mga liquid soap ninanakaw, yung iba ginagawang tirahan, at worse ginagawa talaga nilang parang templo ni satanas. Naalala ko pa noon nasa probinsya kami para sa isang conference/camping, syempre ang mga restroom sa mga ganoong events ay madalas portalet so alam mo ng kadiri yun, at syempre dahil gusto namin ng magandang taehan at para makaligo na rin, naghahanap kami ng bahay na puwedeng mapakiusapan kahit bayaran na lang. Sa mga bahay na napupuntahan namin, napakasimple ng C.R. nila walang pinto, semento ang paligid at hindi nakatiles, isang inidoro lang, at balde ng tubig o drum alng ang kasama mo pero makikita mo na talagang ginagawa ng may-ari ang lahat ng kanyang makakaya para maging maaliwalas ang ambiance neto, at masasabi ko kahit ganoon itsura nun mapapanata ang loob mo, dahil alam mong C.R. ang pinasok mo at di restroom.
Sa tingin ko disiplina ang kulang sa mga ganoong tao, pero hindi rin eh, instinct na dapat ang gumagana pag tinawag ka ng kalikasan eh, siguro marami lang talaga sa atin ang sadyang baboy. Kaya ako, eto maglilinis na ng banyo ko kasi malapit na siyang tubuan ng kamote sa dami ng lumot.
No comments:
Post a Comment