5 aspeto ng buhay

Madalas naririnig at nakikita mo sa horoscope, ang lucky number for the day. Pero hindi ka naman talaga nakakasiguro sa mga sinasabi ng horoscope, dahil sa bukod sa napakavague neto, eh mukha ein naman talagang manloloko ang mga maghuhulang pinapakita na nagsasabi nito.

Pero di ko naman sinabing masama ang mga numero, ang sa akin lang eh di na makakatotohanan na sabihin lucky number ang isang numerong baka hindi mo pa makita sa araw na iyun, at kung makita mo naman sigurado akong di mo rin siya papansin. Pwera lang siguro kung die hard fan ka ng lotto at pwede mong isama sa kumbinasyong itataya o aalagaan mo.

Pero hindi tungkol sa panghuhula, sugal o lotto ang entry na ito. Tungkol pa rin eto sa numero pero isa lang, eto ang number 5. Number 5 ang pinaka may kabuluhang numero para sa tao, dahil 5, ang bilang ng aspeto sa buhay ng tao.

Syempre, magtataka ka ano-ano ang limang aspeto, simple lang explain ko isa-isa sa pinakamababa hanggang sa pinakamataas, maupo at magbasa.

Ang panlima sa aspeto ng buhay ay ang tinatawag na lovelife, lovelife sa kadahilanan na kayang paikutin ng girlfriend o crush mo ang buhay mo, at kadalasan marami ang natatanggal sa trabaho, nasisipa sa eskuwelahan, napapaaway, nagugutom, di nakakatulog, sumasakit ang ulo, nawawalan ng pera, nababaliw, at minsan pag sumobra namamatay. Lahat ng mga dahilang yan ay sa isang bagay na tinawag na pagibig, pero minsan di pa nga natin maicoconsider na pagibig yan kasi yung iba pampalipas libog lang talaga. Madalas ang lovelife ang sumisira ng natitira pang aspeto ng buhay mo dahil pag mali ang paghandle mo sa lovelife, tiyak ko kakainin niya lahat ng oras mo at wala ka ng magagawa dahil madalas pagtingin mo sa oras ng buhay mo malaki ang naakasaya sa walang kwentang lovelife. At additional sa lovelife din nasisira ang relasyon ng pamilya mo at ikaw, o pamilya ng kalovelife mo at siya, at matagal ayusin minsan pag ang dahilang ng di pagkakaunawaan ng pamilya ay ang lovelife mo.

Pero di naman masama ang lovelife, dahil isa ang lovelife sa mga nagbibigay ng lakas sa iyo sa mga panahon kailangan mo ng lakas at inspirasyon. At isa pa ang lovelife na yata ang pinakacomplex na bagay na pag naayus mo ng mabuti, pwede mo siyang italon ng dalawang hierarchy sa aspeto ng buhay mo, dahil pag naayus mo siya ng mabuti pwede siyang maging top 2.

Ang pangapat sa aspeto ng buhay ay ang tianatawag na friendship/friends, napansin mo bang mas mataas siya keysa sa lovelife dahil, alam naman natin na pag iniwan ka ng girlfriend mo, o lumipat ng lugar ang crush mo, hindi ka iiwan ng mga kaibigan mo lalo na't ililibre mo sila, hehehe. Madalas ang mga kaibigan mo ang magpapakilala ng katauhan mo, dahil madalas ang mga sinamahan mo eh yung mga taong kaugali mo at pareho mong magisip.

Marami rin namang classification ng friends, merung mga friends na pisikal yung tipong may batukan at suntukang nangyayari, pero wag kang mag-alala dahil ginagawa nila sa iyun just to show some love or ginagawa nila yun sa iyo pag nakita ka nilang sablay ka na. Mayroon ding friends na ayus kakuwentuhan, dahil sa dami ng experience na nangyari sa buhay nila marami na silang kayang ishare, eto ang mga masarap kasama dahil marami ka talagang matutunan lalo na pag nakainom sila. At siyempre may mga friends rin na nandyan dahil sila ang bangko mo, kahit madalas liliparin ka sa lakas ng hangin nila, aaminin mo man sa hindi sila ang isa sa nagpapadali ng buhay mo.

Pero may naidudulot rin masama ang pagkakaibigan, dahil pag mali ang group of friends na dapat mong kinabibilangan, dahil namali ka lang nung araw na kinaibigan mo sila sigurado ako na mas malaki ang epekto ng maling friends keysa sa maling lovelife.

Pero masarap pa rin magkaroon ng kaibigan, dahil sa mga tagal ng mga samahan yung kaibigan mo umaakyat rin ng hierarchy, boundary ng pangalawa, kaso di kayang tumabasan ng evolved friendship ang evolved lovelife pagdating sa aspect number 2, pero halos parang ganun na rin yun.

Ang pangatlong aspeto ng buhay ay ang studies pag estudyante ka, or work pag graduate ka na. Madalas  ang aspeto na eto ay taken for granted lang sa kadahilanang nagaaral ka para na lang makatapos, o kaya nagtatrabaho ka para na lang kumita. Pero huwag mong isipin na ganyan lang ang pagaaral o pagtatrabaho, dahil eto ang isa sa magdadala sa iyo sa taas ng hierarchy pagdating naman sa social classifications. At mahirap minsan natustusan ang lovelife, of gimik ng barkada pag wala kang pera, at lalong lalo namang di mo matustusan ang aspect number 2 pag wala kang trabaho. At additional di ka nga pala makakapagtrabaho hanggat di mo natatapos ang pagaaral mo.

Pero take note di natatatapos ang pagaaral, dahil kahit sa paglalakad mo natututo ka mas masakit nga lang pag karanasan ang nagturo sa iyo. halos parehas lang naman sila, evolved lang na pagaaral ang pagtatrabaho dahil sa pag aaral iba na ang assignments mo, eto ay ang paano kumita ng pera at magipon, at  yung paano ka makikisalamuha sa mundong ginagalawan mo. Boring man ang ikatlong aspeto pero halos eto ang pinakaimportante pag binase mo sa pangangailangang pisikal at material, at nandito rin pala ang matinding proof na isa ka sa may silbi sa mundo.

Ang panglawang aspeto ng buhay ay ang family, at eto na ang pinakamadaling isablay sa buhay dahil mas madaling mangaway ng kapamilya keysa sa iba, at mas mahirap atang sumunod sa kamaganak mo keysa sa batas trapiko. Pero wag ka, ang pamilya ang inilagay sa pangalawa dahil, napakaimportante neto. Kaya mo bang maging isang tao ng hindi ka iniluwal ng nanay mo, o di sila nagsiping ng tatay mo. Kaya mo bang mabuhay magisa habang ikaw ay isang sanggol o musmos pa lamang. Makakapag aral ka ba kung di sila nagtrabaho para sa iyo. Magkakaroon ka ba ng kaibigan o lovelife pag hinayaan ka lang nilang maging mangmang sa loob ng isang kwarto. Lahat ng sumunod na aspeto ng buhay mo from studies/work to lovelife, ay dahil sa binuhay ka ng magulang mo, pinapakain ka ng magulang mo, pinagaaral ka ng magulang mo, at binibilhan ka ng mga bagay bagay ng magulang mo.

At katulad nga ng sinabi ko ang kapamilya mo ay di lang yung mga kadugo mo, nandyan ang mga kaibigang para mo na rin mga kapatid dahil sa dalas nilang makitulog sa bahay nyo, at makikain.

At higit sa lahat pag yung lovelife ay naging seryoso, mageevolve yun, at pag nagevolve yun magiging dalawang aspeto na siya sa buhay mo, ang lovelife at ang family.

Lovelife sa kadahilanang kaya mo siya pinakasalan ay dahil mahal mo siya. At family dahil pag kinasal na kayo, malamang merun na kayong panibagong group pag dating sa family.

Ang unang aspeto ng buhay ay ang Diyos/ Sarili, nakakapagtaka at pantay ang Diyos at sarili mo, pero kung ayun iyon sa iniisip mo nagkakamali ka, hayaan mong ipaliwanag ko sa iyo. Kaya ko pinantay yang dalawang yan dahil una para sa mga magbabasa neto na mga atheist, dahil sa wala silang Diyos anu pa ang kanilang pinakaimportanteng aspeto. Pangalawa kung pagbabasehan ang explanation ng philosoper na si plato at si plotinus, lahat ng thought o pagiisip ay may pinangalingan na isa pang mas malawak na entity at wala ng iba yun kundi and Diyos. Ang Diyos ang pinakaimportanteng aspeto ng buhay dahil sa kanya nagmula ang lahat, at ikaw mismo ay nagmula sa kanya.

Importante rin ang sarili, dahil pag di mo kayang mahalin ang sarili mo, di mo rin kayang mahalin ang sumusunod pang aspeto ng buhay mo. Bago ka magkapamilya, makapagaral, makapagtrabaho, makibarkada, o kaya manchicks, kailangan mo munang siguraduhin sa sarili mo na ok ka at wala kang tama, dahil kung maya tama ka sa tingin mo ba magagawa mo pa ang mga natitira.

At isa pa madalas, ang mga nawawala sa landas, napapasama sa mga maling kaibigan, nagpapakamatay dahil sa lovelife, bigo sa trabaho, at sirang pamilya ay dahil sa pagkawala ng spiritual na aspeto sa buhay. At syempre alam naman nating lahat ng ang main ingredient ng ating spiritual aspect ay ang Diyos. At madalas pag mataas ang antas ng ating espiritu kahit ano pang problemang ibato sa iyo ay kayang kaya mong lagpasan. mapalangit pa yan o sa ilalim ng marianas trench.

Ako sa ngayun, bagsak lahat ng aspeto ko. Sa Diyos ko di na ako nagogrow at nag lelevelup sa org na kinabibilangan ko, siguro nga sabi nila it's time to move on change your service to a higher bracket. Sa pamilya ko ay sobrang bagsak dahil di ko alam kung paano ko kakaharapin ang mga kapamilya ko sa ugaling merun ako. Sa studies, sa tingin ko kulang pa ang inaaral ko at sa ngayun unemployed pa rin ako. Sa friends, well eto pa lang ang medyo maayus pero balak ko na munang tanggalin para makapagmoveon ako sa buhay ko. At kung sa lovelife wag mo muna akong tanungin, pinagdadasal ko pa.





galing dito ang picture